教育局你班仆街,去外國考察左咩返黎?!--從芬蘭的教育制度講起

0
535

蔡若蓮喪子,惹起了萬千風波,但別要忘記,自殺在香港已是常事,只是高官之子自殺就是故事、尋常百姓家自殺就是數字罷了。但,我們係咪就要與呢個吃人的社會妥協?一個個「學童被殺」,源於社會、制度的種種壓力,一切一切真的不可能改變?

近日看了一套紀錄片《美豬出城》,是我視為近年所觀的,最有深度與反思的電影之一。《美豬出城》的導演米高摩亞,曾以《華氏9/11》奪得康城影展最高榮譽金棕櫚獎,風格詼諧戲謔、辛辣諷刺。電影講述,導演奉命帶著一支美國國旗「侵略」世界,「劫走」歐美國家的「好政策」,詼諧之餘,更讓人反思自身社會的種種。其中,他去到芬蘭,世上提供最優秀教育地方之一去取經。在教育這一環節,導演率先搵佢地教育部長,「劫走」佢地點解可以培養到世界第一優秀學生的秘密,原來——

1. 唔使做功課
原來,芬蘭的學生是唔使做功課,甚至大專生的功課,每日也最多只用10分鐘做!當導演問,「咁佢地放學做咩?」,相關人士是話:「去玩啦、爬樹啦、聽歌啦、陪家人啦、享受生活啦、hea啦…」

點解?因為咁先是應有既童年呀!就是要出下大自然、探索有趣的事物、同朋友相處呀頂!唔係補習中英數學三種語言、做功課三個鐘、學游水、健身、芭蕾舞、非洲鼓、打太極呀!

事實上,芬蘭學生一般都懂得三至四種語言;唔使催谷、唔使專登學、因為整個氛圍就是:學習就是很開心、很愉快的呀!於是大家都勇於發掘事物中有趣的地方,呢個就是學習呀!

2. 無基準試
而當導演問芬蘭老師,「咁你覺得美國最應該取消咩?」幾乎全部人都答:「取消基準試呀唔該!」原因是,當你出現基準試,就代表有D人過唔到水平、而大家只能夠Drive to呢個水平,但事實是達到呢個水平,只代表你識答考試問題,而唔係去到呢個水平呀!而且,考試代表有一大班人唔達標,而為左令呢班人達標,一大堆商人先可以營商、然後從中獲利!

另外,由於要用大量時間預備基準試,我們唯有cut走音樂、視藝、體育、公民課… …因為呢D野,係個考試當中,根本唔撚重要,所以咪cut哂囉!咁人生仲有咩樂趣呀?!

3. 無私立學校制
談到「揀邊間學校」的問題,導演也疑惑,「下?咁家長點知邊間學校好?」教育部長就話:「你屋企樓下果間咪係你最好既學校囉!」原來在芬蘭,私立學校是犯法的,我話知你是李家誠個仔,都係照入公立學校。於是,有錢的家長們,也只好一定要保證每間學校都是好學校。咁做除左免除精英制問題,孩子在成長中也更明白到,自己並沒有特權可言,以致佢大個左,亦不會欺負貧窮的人。

講到尾,有一位老師講出左咩是教育:教育就是讓學生尋找知識的場所!唔係操練、唔係考試呀!唔係用黎分Winner/Loser呀!我地是要讓學生快樂地尋找知識呀!!

教育局你班仆街,去外國考察左咩返黎?!點解我未聽過你地有呢D得著既?你唔好話咩「已經減少操練呀!」我地是唔要操練呀頂!

我不是認為,把外國的一套,套落香港就等如解決所有問題。但是,很明顯現時香港的教育就很有問題!咁大家又可唔可以試下,創造一個無功課/無基準試/無私立學校的香港?無呀,就是因為你地班高官一個個少做少錯、唔做唔錯、尸位素餐、甚至做中共喉舌,根本就唔係為香港好!香港的沉淪,是因為你們只想到你自己!自殺學童們的孽血,都在你們的污手中!我唔認同貼大字報的人所做,但我也實在怪責唔落手,因為,你地先是泯滅人性的仆街呀!

門徒同工登記:http://apostlesmedia.com/joinus
——————————————–
拒絕盲目跟從、堅持聖經公義!

SHARE
Previous article教大生捍衛校園言論自由聲明近800人聯署
Next article門徒公義第104集
殷琦

《堅離地教會實錄》作者,港大表達藝術治療碩士生、教院音樂教育碩士、港大主修中文中史。一舊蕃薯般的孤獨文青。興趣在表達藝術治療、哲學、心理學、生活、音樂、藝術、政治、宗教等。