[梁健輝刺警]葉一知「捉鬼」道歉乏誠意 遭網民罵爆引退

0
1020


自2014年街頭佔領以來,劉世良、黃世澤、林忌等一眾飯民KOL,不斷「捉鬼」,不少前線抗爭者均受連累。7.1當晚發生梁健輝銅鑼灣刺警事件後,著名KOL葉一知立即發帖「捉鬼」,質疑「除咗係職業殺手之外,都好難出到手喎」,暗喻是警方自編自導自演,遭網民狠批,葉翌早刪帖卻拒絕道歉,藉口發帖當刻「連那個人(梁健輝)自殘咗我都未知」,並宣佈引退。

(門徒事工急需事奉人手,閱讀下文前,煩請先進入,登記您可以事奉的崗位,多謝合作!)

梁健輝7.1晚約10時許於銅鑼灣崇光百貨外刺警後自殺,事發不久,著名KOL葉一知在其臉書專頁發帖:「實在好難相信啊,幾乎大半警力都喺銅鑼灣,連買嘢既幾個陌生人都俾你拉埋一邊強屈犯限聚令,後生仔或著黑衫都俾你盯到實,咁除咗係職業殺手之外,都好難出到手喎。」

帖文一出,迅即引來大量同情梁健輝的網民,洗版式狠批,葉翌早刪除帖文,但卻拒絕道歉,僅解釋當時還未知道梁自盡:「其實道歉,真係唔難,但再出post,又話越描越黑。有時就係咁陰差陽錯,我寫嗰時連那個人自殘咗我都未知(因為新聞都未報),如果當時已知,我就唔會咁寫,但無法啊,好似陳同佳咁,有時就係一個陰差陽錯……,之後講咩都冇用了。喺呢個背景下,只要你係事後看到那段文字,嬲,是正常的。我在此,就發了這個post向各位道歉,特別是關心我的朋友。退下的決定不變,是朋友的,珍重。」

葉一知發表解釋後,很多網民都不接受:「就算人哋唔自殺,你都唔應該捉鬼!」、「都話唔關人有冇死事 亦唔關道歉難唔難事 係 #責任問題 繼續推卸責任跌落地拿返拃沙 發細路仔脾氣 自己玩對家樂見嘅分化⋯⋯呢件枝半解! 都冇咩好再講落去」、「『道歉,真係唔難』呢句真係難聽過粗口 唔係講乜都冇用,歉係一定要道。道左就可以了,如果連咁小嘅承擔都做唔到,你同藍絲柒娥又有咩分別?」、「大把人一邊口講槍口對外,一邊又質疑炸彈案行刺案嘅疑士係popo扮 你唔覺得好自相矛盾?同你質疑義士時,正正就係槍口對內 所以真正犯「槍口對內」嘅人,係捉鬼者,而唔係批評捉鬼嘅人」。

面對反對的網民,葉一知回覆對罵:「其實咩叫跟車太貼? 我見到有警察被襲, 耻笑佢哋駐重兵, 其實咁樣係咪跟車太貼呢……」、「鬼,係一定有,但我知好難捉,所以你見我仲有冇捉?不過話人捉鬼係今日最好的批鬥藉口……你讀一讀全世界的共產黨史,如果你覺得佢哋唔會有滲透,咁我祝你好運! 」

網絡作家「潮文社」以荊軻刺秦王故事,撰文譏笑葉一知等「捉鬼專家」,題目《有冇人覺得荊軻刺秦王成件事勁鬼?》:「實在好難相信啊,幾乎大半武士都喺咸陽,連傾下諸子百家、讀下詩書,都你拉埋一邊話犯秦國律法,連有兵器嘅宮中侍衛都被人盯到實,咁除咗係職業殺手之外,都好難出到手喎。有機會係秦國自編自導自演,派個侍衛出嚟,扮係六國嘅人,目的係為咗收緊政策,總之係鬼嚟。聽到有人話荊軻係俠士,但希望六國可以保持心中嘅尺度,唔好成為自己心目中討厭嘅秦國,其實唱下歌仔、着下黑衫,嬴政已經驚到瀨屎了」帖文迄今共逾750人讚好或心情。

請支持《門徒媒體》事工化計劃:
轉數快:6323638
Payme:62544036
八達通錢包:62544036
Paypal.me/apostlesmedia
—————————-
拒絕盲目跟從、堅持聖經公義!