關傑棠神父拒為「坐享其成」論道歉 僅叫年青人多返堂區溝通遭狂轟

0
94


天主教香港教區轄下聖瑪加利大堂主任司鐸關傑棠神父,日前痛批年青會眾捐款比例低,不能「坐享其成」後,連日來招惹各方狂轟。他昨晚直播解畫,惟完全無為失言道歉,只叫年青人疫情後多返堂區、彼此溝通,再次激起教內外怒火,網民一面倒怒斥關毫無誠意。

(門徒事工急需事奉人手,閱讀下文前,煩請先進入,登記您可以事奉的崗位,多謝合作!)

關傑棠神父昨晚在其臉書發表長約2分鐘的直播,唯半分鐘後才回應「坐享其成」論引發的風波。他稱信件是希望交代維修堂區中心籌款的進展,輕描淡寫地指出「意想唔到有咁大的feedback」,又辯稱自己「趁著呢次交待籌款進度的機會鼓勵堂區的年青人,多些參與堂區的生活」,他竟認為今次事件「可能係一個契機,跟年青人多些溝通、學多D新野,我相信彼此間都有很大的進步空間」。最後他聲言「如果今次的事件令到你地有不明白的地方歡迎大家在疫情過後多啲返嚟堂區,坐低傾下計、彼此溝通,呢個就係我嘅心願。」直播並無對自己發表的歪理表達歉意。

大量網民紛紛留言炮轟關傑棠全無悔意,有網民斥「完全無道歉同反省精神!話就話溝通,不過係疫情後,就係想拖延處理問題!完全沒有任何悔意,把重點推到別人身上,令人咋舌。」、「你連承認自己錯誤既勇氣都無,一堆藉口,仲要話係契機,曲都要拗返直! 你響堂區幾耐?而家先黎話同年青人溝通!其實講乜都已經無用,因為證明左變左質就係變左質。」。此外,有前教友批評「呢種思維嘅人永遠都唔會覺得自己錯,永遠都唔會道歉,永遠都唔反省,永遠唔會有改善。呢個堂區一日由呢啲咁嘅水平嘅偽善神父代表發言,注定唔會有青年教友加入,更遑論捐獻。。。你唔係覺得你呢個係激將法下話,關神父。你似要收陀地多過鼓勵捐獻囉。咁不如所有入聖堂望彌撒嘅教友教要比入場費先比入啦。DISGRACE! 前贖世主堂教友 (以前最中意聽關神父講道,已成過去)」。又有網民揶揄「搵咗啲後生仔收保護費未呀」、「其實你仲差2百萬會唔會係神俾你既考驗呀,試下搵耶穌傾下有冇得搞搞佢,五餅二魚咁數數下,散銀都裝滿幾個貨櫃呀」、「乞錢乞到咁聲大夾惡都係第一次見 睇黎乞衣都需要引入考牌制度」。

相關報導:
關傑棠神父不滿年青會眾奉獻少 批評「坐享其成」

請支持《門徒媒體》事工化計劃:
轉數快:6323638
Payme:62544036
八達通銀包:62544036
Paypal.me/apostlesmedia
—————————-
拒絕盲目跟從、堅持聖經公義!