迦密柏雨中學女隊員ig公開控訴 遭施壓噤聲刪帖

0
672


迦密柏雨中學女甲乒乓球隊打入學界四強,原定2日(周日)早上作賽,學校卻以「星期日要上教會」校規為理由,無理強逼隊員退賽,惹來不滿,有女隊員在ig公開事件,疑遭校方施壓噤聲,最後把帖文刪除。

(門徒事工急需事奉人手,閱讀下文前,煩請先進入,登記您可以事奉的崗位,多謝合作!)

「被退賽」的女生月初在ig發帖,公開控訴校方:「學校唔能夠將所有教職員、學生嘅宗教信仰,同教會聚會時間一概而論,呢啲係個人選擇,唔受標準規範所限。假如比賽時間同教會聚會時間有衝突,應交由學生抉擇,學校無權干涉,或強求每位同學都要視基督教為Priority。」

「我哋參賽僅代表我哋就讀於CPU(編註:迦密柏雨中學),但唔代表學校嘅宗教信仰立場同取態,學校高層想利用幾個學生嘅比賽機會,去詮釋一個統一嘅宗教立場,就係扼殺學校係一個多元學習場所嘅特質。何況我哋並非代表駐校教會參賽,根本毋須為佢詮釋基督教嘅重要性,而犧牲我哋嘅學習機會、師生共同努力嘅成果、投放嘅時間同熱誠,CPU高層憑什麼將單純嘅體育賽事,視為一個表達宗教立場嘅工具?試問CPU高層重視實行呢條規定嘅代價嗎?」

她表示:「即使我有幾咁忙,甚至就嚟考DSE都繼續練波,就係為咗呢個Moment,而家強迫我放棄,一切都前功盡棄了,冇曬……我唔敢想像其他練咗5、6年波嘅師弟師妹,係關鍵時刻,因為呢個毒瘤,就咁撲了場空。但無奈總係有人寧願相信,呢班冇望過球隊練習嘅學校高層。」

「全港中學之中,CPU係極為少數甚至唯一會咁做嘅學校,就連其他迦密同姓嘅學校,都無呢條退賽規定,但佢地甚至以此為傲,唔改變,唔動搖,封閉咗40幾年。其實有好多老師同同學都唔贊成呢條規定,但多數人都係一副可憐我哋嘅模樣,選擇默認佢,淡化佢,甚至無視佢,以致造成人人贊成嘅假象,成為佢哋繼續堅持呢個傳統嘅理據。」

帖文後來被刪除,原帳號發出一張帖圖「學生高呼改變,管理層只顧噤聲」。

相關資料:
迦密柏雨中學逼乒乓球隊主日退賽
迦密柏雨中學逼女乒校隊退賽主日返教會 遭轟違信仰自由

請支持《門徒媒體》事工化計劃:
轉數快:6323638
Payme:55100852
Paypal.me/apostlesmedia
—————————-
拒絕盲目跟從、堅持聖經公義!