商業電台音樂節目主持梁文禮在私人臉書帳戶批評梁詠琪、陳奕迅、姜濤及MIRROR等歌手，昨遭電台處罰停職3個月，結果引起網民洗版式狂罵，職員竟然不許在私人帳戶發表想法，做法雙重標準；截至下午1時，已超過1.1萬人在商台聲明帖文表達心情、留言超過4,500個，hashtage「商台請解釋停工的準則是什麼」、「艾粒傷害迪偉咁多年係咪應該停職三世」。
(門徒事工急需事奉人手，誠邀加入！)
事源梁詠琪本月17日起在紅館舉行三場演唱會，梁文禮觀賞首場後，在IG帳戶大讚她衣著漂亮，但上周日(19日)卻被網民發現，梁文禮在私人臉書發文批評演唱會「個flow差，歌編得差，舞差」，又批評她唱功差如「唱k」，「將啲醜嘅衫都carry得好 好似呢件『著上一張抹完鼻血嘅紙巾』咁。」被批評是「雙面人」。梁詠琪結束演唱會後，當晚回應不介意批評；梁文禮翌日(20日)在節目《叱咤樂壇》表示撰寫千字文，公開道歉。
惟上周四再被網民揭發，梁文禮上年底觀看陳奕迅演唱會後，一方面在IG大讚「久違了的呢個陳奕迅」，演出、燈光、舞台、舞蹈員等都非常好，卻在私人臉書分享：「唔通我要寫佢（陳奕迅）之前黑面唱歌，唱到發脾氣，唔記得《四季》歌詞，喺我同麻利面前拋咪拋到跌咗支咪落地﹗」陳奕迅翻唱莫文蔚的《慢慢喜歡你》，梁亦直斥「如果你好似我咁鍾意《慢慢喜歡你》，就千祈咪L聽陳奕迅個版本」。
梁曾大讚姜濤及MIRROR，卻在私人FB傳載一篇講姜濤、盧瀚霆致敬翻唱張國的歌：「集體強姦張國榮作品」，對二人翻唱張國榮作品反感。梁又批評「點解MIRROR啲周邊公仔可以咁醜？設計完全無心兼無良心，點頭通過所有嘢出得嘅都係，你哋邊個會買？千祈唔好畀我睇到，即刻unfollow你！」梁更將與友人對話截圖在私人FB公開，友人追問他買唔買到MIRROR演唱會飛，梁文禮反問：「一定要睇咩？不如做啲更有意義嘅嘢啦！」
商業電台昨日中午在臉書發表聲明，表示鑑於梁文禮近日於社交平台對個別音樂人發出帶有傷害性之評論，該台負責人與梁文禮共同檢討後，雙方同意即日起暫停其主持人職務三個月，待冷靜反思過後再重新出發。
聲明迅即引來網民洗版式狂罵，不滿商台停職處份梁文禮，截至今天下午1時，已超過1.1萬人在帖文表達心情、留言超過4,500個，批評商台「其實當事人都已經唔介意，而梁文禮亦已道歉，仲需要停職三個月嗎？」、「演唱會一定要好睇？ 咁以後所有嘢係咪都只可以讚唔可以彈？已經怕咗你地，係自己私人acc 講咁都要停3個月？」、「雖然我唔多like文禮, 但私人平台講嘢有乜錯?某程度佢講嘅係事實, 冇理由要停佢工!」、「請問傷害左啲乜？其實係咪同歌星簽左合約要宣傳，不許發表私人感想？咁佢個私人account 是否屬於商台擁有？都幾好笑喎！你如果話佢自己放假，聽眾應該會接受到，講到煞有介事，就此地無銀。」、「職場欺凌嗰啲高層就唔駛停職，喺自己FB講真心話俾人流出就要俾人停職」、「點解批評=傷害性？」、「健吾when die?」
此外，亦有網民提出，商台另一主持艾粒早前被指性向歧視余迪偉，性質更為嚴重，但商台沒有處罰，是雙重標準：「商台標準：可以歧視同欺凌同事，但唔可以批評歌手」、「艾粒單野仲嚴重過佢呢單野喎！點解只係懲罰啲細？」、「艾粒呢，拎性取向嚟玩咁多年，玩到當事人出聲啦。又唔見停職」、「咁性取向歧視又洗唔洗停職務？」、「如果903認為自己係嚴正執法，就唔該你一視同仁，處理埋艾粒」。
圖1：梁文禮私人臉書批評梁詠琪演唱會
圖2+3：梁文禮私人臉書批評陳奕迅
圖4+5：梁文禮私人臉書批評姜濤及MIRROR
請支持《門徒媒體》事工化計劃：
轉數快：6323638
Payme：55100852
Paypal.me/apostlesmedia
—————————-
拒絕盲目跟從、堅持聖經公義！
