Mirror成為千禧年以來，全港樂迷最多的男團，唯樹大有枯枝，一批「盲鏡粉」近年的惡行，不斷辣㷫港人。Rubberband成員泥鯭近日遭「盲鏡粉」人身攻擊，最後聲明道歉。「五一懲罰祭」主辦機構Mee懲罰師昨晚發帖開火，披露有黃店因為無分享Mirror的消息、無貼上有齊Mirror成員的海報，便遭到攻擊、甚至威脅「你唔貼，我就叫FC嘅人罷食你！」帖文激發一眾黃絲怒火。
(門徒事工急需事奉人手，誠邀加入！)
Mee懲罰師昨晚在臉書發帖指出，近日圍繞Mirror、Collar 的新聞不斷，令人聞風喪膽的是，由「國安法」變成「鏡安法」。他們不時都聽到，個別黃店出現「被唱衰」風波，原因並非立場或理念有疑慮，而是未能夠配合偶像應援活動：最近有小店被質問「點解好似無乜share Mirror嘅嘢」，老闆本身不是鏡粉，被問到滿頭問號，向他們求問。又例如只張貼個別一位Mirror成員的海報，同樣會招來攻擊，甚至被威脅「你唔貼我就叫FC嘅人罷食你！」最後無奈被扣上「唔支持年輕人」、「助紂CCTVB」等罪名，這些磨擦實在比政府不斷的打壓，更令人痛心。
懲罰師最後冀望，連結留下來的人，並非因為一間電視台、一位歌星、甚至一隊男團，而是「我地仍然着緊理念同戰友，真正『風雨不改」去撐堅守崗位嘅同路人。」帖文hashtag「堅守同路人崗位」、「唔係堅守電視機前個位」。
截至今天下午4時，帖文共超過1,540個留言，許多都批評「盲鏡粉」：「其實鏡嬸同班糖知唔知再咁周圍引戰，最後只會燒到你粒星，畀人感覺你班fans無家教」、「非常震驚佢地啲fans 居然因為唔貼佢地偶像嘅應援而迫害黃店」、「我唔會再當mirror 係同路人，以後見到貼有佢地啲應援物嘅地方我都唔會再幫襯，太嘔心」、「支持黃從而支持年輕人從而支持偶像，講出嚟都覺得戇撚鳩。」
不過，帖文亦引來「盲鏡粉」留言攻擊：「個別粉絲行為俾你講到全部都係咁喎 又想引戰搶流量 搶埋一份？不如做好個APP先啦，又慢又唔好用，真係好少開你個APP」、「哩個moment出哩個post係咪最好嘅選擇，會幫到黃店呢？謾罵/對立嘅post哩兩日真係洗曬版。好似要𠝹開鏡粉/非鏡粉，非黑即白，鍾意鏡就唔可以鍾意RB，一定要二選一嘅咩？」、「人地話得你啱架，你咁得閒搞篤灰搞分化，之前又咁得閒扮姜濤掃掃掃，你搞好個 app 先啦」、「人地玩緊私怨，公器私用緊」。
請支持我們的媒體＋露宿者工作：
門徒媒體
￭ Payme：55100852
￭ 轉數快：105276893
￭ Paypal：apostlesmedia
門徒事工
￭ 轉數快：105640551
￭ Paypal：apostlesministry
—————————————
拒絕盲目跟從、堅持聖經公義！
