英倫好鄰舍停運導火線 陳凱興直播驅逐拒十一奉獻會友

0
463


四年前被指控欺詐、帳目混亂、拋棄教會秘密離港的陳凱興傳道,創辦的英倫好鄰舍教會,亂象叢生,會眾不滿集體出走、被逼停止所有崇拜聚會;據悉導火線之一,是陳凱興強逼布里斯托會友十一奉獻,上年12月更在倫敦崇拜直播中,公開驅逐不肯奉獻的會友:「咁你咪唔好返呢間教會,去間你覺得係神叫你返嘅教會囉!」、「我好憎呢啲基督徒呀,唔使嚟㗎,虛偽嗰啲啦,唔好喺我度呀!」

(門徒事工急需事奉人手,誠邀加入!)

英倫好鄰舍教會倫敦會眾向本媒體透露,上年12月首周倫敦崇拜中,陳凱興公開責罵布里斯托會友不奉獻;由於有直播,有人把鏈結給布里斯托的弟兄姊妹,於是他趕忙透過錄音道歉,但布里斯托會友不接受,認為毫無誠意,陳隨即在同一星期關閉布里斯托聚會處,聲稱奉獻不足維持營運,遭會友指責誤導、氣憤不已,風波越鬧越大,不滿延至所有聚會點、集體出走,最終被逼停止所有崇拜。

陳凱興事後把聚會罵人的直播影片刪除,但仍有會眾筆錄文字。根據筆錄記錄,陳凱興承認,過去兩星期,因為十一奉獻問題,與布里斯托會友吵架:「我話:你十一奉獻點架?佢話:我同神交代就得啦,你再追我,我就拉隊走。」他引用亞拿尼亞和撒非喇關於奉獻的故事,表示使徒行傳清楚記載,「你呃到人,呃唔到神……個下場好慘」,責罵會友「永遠想教會提供最多嘅嘢,但又唔想付出」。又稱阿摩司書記載富人欺壓貧窮,「即係自己幾棟樓喺手,但傳道人屋都冇得住、做到死,教會啲嘢甩甩漏漏,又唔肯奉獻」。

陳凱興又讚許曼城會友,是四個聚會點中發展最快,考慮把曼城聚會點升格成為分堂、聘請全職傳道人。但未幾又繼續批評布里斯托會友不肯奉獻:「唔肯奉獻,奉獻到嘔啦……嗰班人唔知做乜嘢,咪奉獻全人囉,好失望㗎」他稱不會再和布里斯托會友爭吵:「唔需要拗,講多都浪費嘥氣,聖經明明寫明(十一奉獻),我都仲要同你拗,然後同我捩橫折曲『我同神交代,唔駛同你交代』!」他誨氣地講「咁你咪唔好返呢間教會,去間你覺得係神叫你返嘅教會囉!咁犀利,你唔好諗住拉隊走威脅我,我嚇大㗎!」

他怒斥,有個彈低音結他的中年男子說,再催促十一奉獻的話,他便不彈:「你唔好彈,你走啦!」又稱曼城敬拜聚會領詩都用YouTube,根本毋須樂器。然後又鬧「施比受更為有福,個個都知架啦,不過,我哋真係太自私啦,仲要用屬靈嘅語句,好嘔心呀,係呀,我好憎呢啲基督徒呀,唔使嚟㗎,虛偽嗰啲啦,唔好喺我度呀!」陳凱興最後指,某會友有幾層樓,卻批評教會不肯花錢給予支援;他稱教會計劃開拓烏克蘭及阿富汗人事工、建立英文堂。

請支持我們的媒體+露宿者工作:
門徒媒體
■ Payme:55100852
■ 轉數快:105276893
■ Paypal:apostlesmedia

門徒事工
■ 轉數快:105640551
■ Paypal:apostlesministry
—————————————
拒絕盲目跟從、堅持聖經公義!