殷琦:回想影音使團挪亞方舟事件 仲要繼續出嚟搞笑?

0
464


最近睇番有不少人又po番挪亞方舟壇野;正當我在想「點解會舊事重提」之時,先知道原來唔係講笑,袁文輝又要搞方舟佈道會喇,仲要是4月28日,好近!今次真係「Old news is so exciting」。

(門徒事工急需事奉人手,誠邀加入!)

有關種種爭議細節,咩木結構係真係假、報告到底反駁咗幾多論點,坦白講,作為平信徒,無咩興趣dig deep亦唔想去知,講真,個人嚟講,完全唔明點解方舟呢壇食哂屎既嘢,都仲可以搞番起。我好好奇,現時香港教會對呢件事的熱衷及參與程度,以及想信徒奉獻的力度有幾高。

記得當初挪亞方舟電影上映時,真係一時風光,教會包場等等都有出現過。而且電影內運用各種電影語言加聲畫配合,似層層地講到咩99.9%發現方舟,當時(仲係一個耶L的我?)都覺得好震憾,但之後我發覺,我係純粹俾佢的聲畫震憾到就是了,反正那些什麼考古呀、chem呀的東西,全部在我認知範圍以外,我聽完之後,亦無能力反駁什麼。

我沒有因為咩發現方舟而信主,亦從來沒有推薦過人去看;真正讓我從這個迷思中覺醒的,應該是不知從哪裡聽到howtin節目,才覺得「對啊!如此嚴謹的考古過程,做乜會無啦啦帶個藝人上去??!」,繼而才有寫下兩本「堅離地」的書的後事吧,反正印象中的「不再是耶L醒覺」,應該就是由發現方舟之事係幾咁白癡而開始——記得當時因為太震憾(是另一種的震憾,笑),我在凌晨深夜之時,忍不住拿出紙筆,把教會種種奇奇怪怪、而我又看不過眼的事情,通通寫下來。

當年的我,仍是年少氣盛,看見教會看不過眼的事,首先情感上是自責,覺得自己大逆不道,竟然敢去「覺得」上帝的殿有問題。到某一刻又突然頓悟,「頂!其實唔係自己問題喎,我自責咩呢?!」之後來一個大反轉,成為很多人眼中「相當敢於批評教會的叛逆分子」。但近幾年——或是近5-6年,其實收了不少火氣,覺得反正鬧來鬧去,他們都是這樣的啦。不如坐在一旁食下花生,當睇戲仲好,有怪事咪笑兩嘢囉、無事無幹就感恩,咁樣自己也過得舒服很多。所以也收筆不寫了,叫做「留番啖氣暖下肚仲好」。

在此事中,我最後的一個迷思是,「乜真係會有人因為方舟是『真』的而信主嗎?」認真去想,即便佢哋prove到方舟是「真」的,咁又代表d乜?就代表聖經所講的所有都是真嗎?顯然非也。要信的會信、不會信的,也不會因為「方舟是『真』的」而信,那要「prove到方舟是『真』的」的基礎又要哪兒呢?說來說去,似乎也是為要斂財罷了,對吧?

最後搏大家一笑,我去咗睇影音使團段佈道會宣傳片,第一個感覺係:咁似錫安教啲宣傳末日來臨片,係咪有參考過?

作者:殷琦
原文

請支持我們的媒體+露宿者工作:
門徒媒體
■ Payme:55100852
■ 轉數快:105276893
■ Paypal:apostlesmedia

門徒事工
■ 轉數快:105640551
■ Paypal:apostlesministry
—————————————
拒絕盲目跟從、堅持聖經公義!