清水灣道直資名校德望學校應屆中六畢業典禮告別影片製作指引，簡報明文「嚴禁使用」廣東話，校長Gary Harfitt電郵澄清，簡報為未經審核的草稿；隨即被舊生踢爆，至少上年有相同規定，甚至有學生要重拍刪走廣東話。校長被揭發講大話，網民火上澆油，紛紛要求辭職下台。
德望學校校長Gary Harfitt昨日(19日)凌晨零時七分緊急電郵學生及家長，強調絕無「禁止」講廣東話(no way is Cantonese ‘forbidden’ at our school)，解釋校方日前未修訂好簡報，便發送給中六生，內容包含「不當用語(inappropriate language)」，對此深感懊悔(I deeply regret this)，作為校長，為今次疏忽負上全部責任。簡報上的訊息和用語，並不反映校政及實况，本周將與中六生面對面解釋。他指，該校雖然以英語授課，但明白並肯定廣東話和普通話與英語同樣絕對重要，學校主要活動均採用英語，包括畢業禮，而歷屆活動上，不少校友以廣東話告別師長，校方亦完全理解。
不過，網媒《教育刺針》昨早引述該校2026年畢業生踢爆校長講大話：「咁請問我哋class of 2026上年都一樣唔俾用廣東話，你又點解釋？而且我哋上年唔係9月一早講定，而係十一/十二月，我哋辛苦拍得七七八八，先同我哋話要重拍刪晒廣東話，只係我哋上年冇人告發上threads」。
另外，又有舊生在Threads踢爆，兩年前已經禁廣東話：「兩年前已經係咁，嗰陣我哋條片都有廣東話，然後上頭唔批要cut咗佢/mute先比我哋係畢業禮播出嚟」。
報導刊登後，大批網民狠批該校，要求Gary Harfitt辭職下台：「校長講大話，落台啦！」、「一定要問責要校長辭職！」、「寫得咁清楚校長都仲講大話」、「校長誠信有問題！」、「唔好扮初犯啦」、「德望舊年都係咁，就即是一直家長學生都冇care過」、「就當『內容未經訂正』啦，咁點解初稿會有呢句呢」、「呢啲校長冇L用。無論有心或無意，有咁嘅slide已經係有心嘅証明。冇佢嘅指令，又點會有人做呢個PPT呢」
事緣前晚有學生在Threads發文，指學校禁止學生在畢業影片中使用廣東話 ，根據帖文描述，該校為清水灣道的直資英文女校德望學校，流出的校方文件《Language Standards》清楚列明，所有旁白及戲劇對白，必須以英文 錄製，或以普通話錄製並加上英文字幕，若聲軌中檢測到廣東話，班級需靜音並重錄音效。
文件以黃色標示強調「Cantonese is STRICTLY FORBIDDEN. You must use English or Mandarin」，同時要求，螢幕出現的中文，必須為標準書面中文，不得使用粵語口語，而在向中文科老師致謝時，學生必須以普通話講述，並提供標準書面中文字幕。
該學生質問「呢度係香港，係講廣東話嘅地方，麻煩貴校講釋點解Cantonese is Strictly Forbidden.過去兩年幾嘅高中校園生活每一條片我地都係講緊廣東話，請問貴校係咪想成條十分鐘片得音樂？一世人得一次嘅中學farewell ceremony，我地唔想遺憾收場。如果香港學生連講廣東話嘅自由都冇，咁香港就真係冇將來。」帖文馬上廣傳及引起嘩然，連日批評校方做法不尊重母語。
圖1：有學生在Threads發文指學校禁止在畢業影片中使用廣東話
圖2：有舊生在Threads踢爆校長講大話，兩年前已經禁廣東話
快啲Follow我哋：
YouTube @apostlesmedia
Mewe @apostlesmedia
Patreon @apostlesmedia
I.G @apostlesmedia
Facebook @apostlesmedia3.0
Threads @apostlesmedia
X @apostlesmedia
請支持我們的媒體工作：
門徒媒體
￭ Paypal：apostlesmedia
請支持我們的露宿者工作：
門徒事工
￭ Paypal：apostlesministry
—————————————
拒絕盲目跟從、堅持聖經公義！
